სანკტ-პეტერბურგში შოთა რუსთაველის იუბილის აღსანიშნავი საღამო ჩატარდება

© photo: Sputnik / Дмитрий Коробейников / გადასვლა მედიაბანკშისანკტ-პეტერბურგი
სანკტ-პეტერბურგი - Sputnik საქართველო
გამოწერა
სანქტ-პეტერბურგის სახელმწიფო უნივერსიტეტის სააქტო დარბაზში გამოვლენ ცეკვის ამნსამბლები „საქართველო“ და „ივერია“, ასევე ვოკალურ-ინსტრუმენტალური კოლექტივები „არაგვი“ და „სიხარული“.

თბილისი, 27 აპრილი —Sputnik. მსოფლიო ლიტერატურული შედევრის „ვეფხვისტყაოსნის“ ავტორის, გამოჩენილი ქართველი პოეტის 850-ი წლისთავისადმი მიძღვნილი საღამო დღეს სანკტ-პეტერბურგში ჩატარდება, უთხრეს Sputnik-ს ორგანიზატორებმა.

ღონისძიება საზოგადოებრივი ორგანიზაციის „ქართველთა სანკტ-პეტერბურგის ნაციონალურ-კულტურული ავტონომია „ივერიის“ ინიციატივით სანკტ-პეტერბურგის სახელმწიფო უნივერსიტეტის სააქტო დარბაზში 18:00 საათზე დაიწყება.სცენაზე  თავის შემოქმედებას  აჩვენებენ ცეკვის ამნსამბლები „სიხარული“, „საქართველო“ და „ივერია“, ასევე ვოკალურ-ინსტრუმენტალური კოლექტივები „არაგვი“ და „სიხარული“.

შოთა რუსთაველი - Sputnik საქართველო
2016 წელს საქართველო შოთა რუსთაველის 850 წლის იუბილეს აღნიშნავს

საღამოში მონაწილეობას მიიღებენ სანკტ-პეტერბურგის სახელმწიფო უნივერსიტეტის აღმოსავლური ფაკულტეტის ქართული ენის პედაგოგი დიანა კიკნაძე, სპსუ-ის ფილოსოფიის ინსტიტუტის მაგისტრანტი რამინ ჯინჭარაძე და სახელმწიფო ერმიტაჟის მეცნიერი თანამშრომელი იაროსლავა ბილინკინა.

„უკანასკნელად ასეთი იუბილე სანკტ-პეტერბურგში მხოლოდ 1966 წელს აღინიშნა“,- აღნიშნა  „ქართველთა სანკტ-პეტერბურგის ნაციონალურ-კულტურული ავტონომია „ივერიის“ ახალგაზრდული განყოფილების ხელმძღვანელმა არჩილ ოძელმა.

 

ყველა ახალი ამბავი
0