თბილისი, 26 აპრილი — Sputnik. თავისუფალი სტილით მოჭიდავე ზურაბ იაკობაშვილმა საქართველოს ოლიმპიურ ნაკრებს ოცდამეათე ლიცენზია მოუტანა, იუწყება ეროვნული ოლიმპიური კომიტეტის ვებგვერდი.
ულან–ბატორში (მონღოლეთი) გამართულ საკვალიფიკაციო ტურნირზე იაკობაშვილი ფინალში გავიდა 65 კგ–მდე წონით კატეგორიაში და ავტომატურად მიიღო რიო–დე–ჟანეიროს ოლიმპიადის საგზური.
ამგვარად, საქართველოს ნაკრებმა თავისუფალ ჭიდაობაში ექვსი შესაძლებლობიდან ექვსივე გამოიყენა და ახლა სრული შემადგენლობით წარსდგება ბრაზილიის ოლიმპიადაზე.
რიო–დე–ჟანეიროში გაემგზავრებიან:
• ვლადიმერ ხინჩეგაშვილი (-57 კგ)
• ზურაბ იაკობაშვილი (-65 კგ)
• იაკობ მაკარაშვილი (-74 კგ)
• სანდრო ამინაშვილი (-86 კგ)
• ელიზბარ ოდიკაძე (-97 კგ)
• გენო პეტრიაშვილი (-130 კგ)
