თბილისი, 22 აპრილი — Sputnik. ბარძნულ-რომაული სტილის მოჭიდავე რამაზ ნადარეიშვილმა (-98 კგ) საქართველოს ნაკრებისთვის 29-ე ოლიმპიური ლიცენზია მოიპოვა, იუწყება ჭიდაობის საერთაშორისო ფედერაციის საიტი.
საერთაშორისო საკვალიფიკაციო ტურნირზე, რომელიც ამ დღეებში მონღოლეთის დედაქალაქ ულან-ბატორში მიმდინარეობს, ნადარეიშვილი ფინალში გავიდა და რიოს თამაშებზე საგზური ავტომატურად მიიღო.
ბარძნულ-რომაული ჭიდაობის საქართველოს ნაკრებისთვის ბრაზილიის ოლიმპიადის ეს ლიცენზია რიგით მესამეა. ულან-ბატორის ტურნირზე რიოს თამაშებზე საგზურებისათვის საქართველოს კიდევ ორი წარმომადგენელი იასპარეზებს: რევაზ ლაშხი (-59 კგ) და მძიმე წონითი კატეგორიის მოჭიდავე იაკობ ქაჯაია.
