თბილისი, 18 აპრილი —Sputnik. Sputnik-ის გამოკითხულ მკითხველთა 59,6% სიკვდილის შემდეგ სხვა ადამიანების სიცოცხლის გადასარჩენად თავისი ორგანოების ტრანსპლანტაციაზე თანახმანი არიან.
მკითხველებმა „მზად ხართ თქვენი ორგანოების გადანერგვის ნებართვა მისცეთ?“ სახელწოდებით გამოკითხვაში მიიღეს მონაწილეობა.
საქართველოს ტრანსპლანტოლოგიის ასოციაციის საინფორმაციო ბანკში სულ 200 ადამიანია დარეგისტრირებული, რომელთაც სიკვდილის შემდეგ სურთ გახდნენ დონორები. ხალხის პასიურობის ერთ-ერთ მიზეზად სპეციალისტები მოსახლეობის არაინფორმირებულობას ასახელებენ.
ამ დროს, გამოკითხულთა 19,2% პასუხობს, რომ სიკვდილის შემდეგ ტრანსპლანტაციის მიზნით თავისი ორგანოების გამოყენებაზე არავითარ შემთხვევაში არ დათანხმებიან. ხოლო 21,2%-მა უპასუხა, რომ ამაზე არასდროს არ უფიქრია.
