თბილისი, 18 აპრილი — Sputnik. ეკვადორში მომხდარი მიწისძვრის შედეგად დაღუპულთა რიცხვმა 272-ს მიაღწია და კვლავ იზრდება, იუწყება საინფორმაციო სააგენტო РИА Новости სააგენტო „რეიტერზე“ დაყრდნობით.
„ეს რიცხვი გაიზრდება და, სავარაუდოდ, მნიშვნელოვნად“, — ციტირებს სააგენტო ქვეყნის პრეზიდენტს რაფაელ კორეას.
მანამდე იყო ცნობა 262 დაღუპულისა და 2527 დაჭრილის შესახებ.
ეკვადორის პრეზიდენტი ქალაქ მანტაში ჩავიდა, რომელიც მიწისძვრის შედეგად ყველაზე მეტად დაზარალდა. ამჟამად იქ სამაშველო სამუშაოები მიმდინარეობს.
7,8-ბალიანი მიწისქვეშა ბიძგები ეკვადორში შაბათს, დილით დაფიქსირდა. მიწისძვრის ეპიცენტრი დასახლება მუისნედან სამხრეთ-აღმოსავლეთით 28 კილომეტრში დაფიქსირდა. მისი კერა 20,2 კილომეტრის სიღრმეზე იყო. მიწისძვრის შედეგად დაინგრა მრავალსართულიანი სასტუმროები, რესტორნები და საცხოვრებელი სახლები.
