თბილისი, 13 აპრილი — Sputnik. მოსახლეობის 15% მზადაა, მმართველ კოალიცია „ქართულ ოცნებას“ მისცეს ხმა, ხოლო 13% — „ერთიან ნაციონალურ მოძრაობას“. ამაზე აშშ-ის ეროვნული დემოკრატიული ინსტიტუტის (NDI) გამოკითხვა მეტყველებს.
ირაკლი ალასანიას „თავისუფალ დემოკრატებს“ ხმას გამოკითხულთა 6% აძლევს, „ლეიბორისტულ პარტიას — 4%, „პატრიოტთა ალიანსს“ – 3%, ყველა დანარჩენ პარტიას — 3%.
კითხვაზე „რომელ პარტიას ან გაერთიანებას მისცემთ ხმას, ხვალ რომ არჩევნები იყოს?“ პასუხი ვერ გასცა რესპონდენტთა 38%-მა. პასუხის გაცემაზე უარი განაცხადა 12%-მა, ხოლო 6% არც ერთი პარტიისთვის არ აპირებს ხმის მიცემას.
მორიგი საპარლამენტო არჩევნები საქართველოში 8 ოქტომბერს გაიმართება.
გამოკითხვა კვლევის „საზოგადოებრივი განწყობა საქართველოში“ ფარგლებში საქართველოს მასშტაბით 23 თებერვლიდან 14 მარტის ჩათვლით პერიოდში ჩატარდა.
კვლევის დროს წარმომადგენლობითი შერჩევის საფუძველზე პირდაპირი ინტერვიუს სახით გამოიკითხა 3 900 ადამიანი. ცდომილება 1,6%-ია.
