თბილისი, 13 აპრილი — Sputnik. აშშ-ის ეროვნული დემოკრატიული ინსტიტუტის (NDI) გამოკითხვის შედეგები აჩვენებს, რომ საქართველოში რევოლუციური სცენარი მზადდება, განაცხადა პარლამენტის ყოფილმა თავმჯდომარემ, ოპოზიციური პარტია „დემოკრატიული მოძრაობის“ ლიდერმა ნინო ბურჯანაძემ.
NDI-ს კვლევის თანახმად, მმართველ კოალიცია „ქართულ ოცნებას“ მხარს უჭერს მოსახლეობის 15%, ხოლო „ერთიან ნაციონალურ მოძრაობას“ — 13%.
„ეს არის პრაქტიკულად სავარაუდო „ქართული მაიდანის“ დაანონსება, იმიტომ რომ როდესაც არჩევნებამდე რამდენიმე თვით ადრე იწერება კვლევა, სადაც 15% აქვს, კვლევის მიხედვით, მმართველ პარტიას და მეორე და პრაქტიკულად ერთადერთ პარტიას 13%, ეს არის მომზადება ქვეყნისა და საზოგადოებრივი აზრისა რევოლუციური სცენარისათვის“, – აღნიშნულია ნინო ბურჯანაძის განცხადებაში, რომელიც პარტიის ვებ-გვერდზეა განთავსებული.
მიხეილ სააკაშვილის ყოფილმა თანამებრძოლმა NDI-ს გამოკითხვის შედეგებში საქართველოს ხელისუფლებაში პროამერიკული ძალების მოსვლის სურვილი დაინახა.
ბურჯანაძე 2013 წელს „ვარდების რევოლუციის“ ერთ-ერთი ლიდერი იყო. 2008 წლის გაზაფხულზე ის ოპოზიციაში გადავიდა.
