სტავროპოლის მხარის სკოლებსა და საბავშვო ბაღებში ევაკუაცია გამოცხადდა

© Новоселицкие новостиდაბა ნოვოსელიცკოე
დაბა ნოვოსელიცკოე - Sputnik საქართველო
გამოწერა
შინაგან საქმეთა რაიონულ განყოფილებაზე ბოევიკთა თავდასხმის შემდეგ მხარეში საგანგებო ვითარება გამოცხადდა. რაიონულ ადმინისტრაციაში ანტიტერორისტული კომისიის საგანგებო სხდომა მიმდინარეობს.

თბილისი, 11 აპრილი — Sputnik. დაბა ნოვოსელიცკოეს საბავშვო ბაღებსა და სკოლებში ევაკუაცია გამოცხადდა მას შემდეგ, რაც თვითმკვლელი ტერორისტები ადგილობრივ შს რაიონულ განყოფილებას დაესხნენ თავს, იუწყება სოციალურ ქსელ Вконтакте–ში განთავსებული გაზეთ „ნოვოსელიცკიე ნოვოსტის“ გვერდი.

პოლიციის თანამშრომელი - Sputnik საქართველო
თვითმკვლელებმა თავი სტავროპოლის შს განყოფილებასთან აიფეთქეს

პოლიციის განყოფილებას, შინაგან საქმეთა სამხარეო ხელმძღვანელობის ინფორმაციით, სავარაუდოდ სამი ბოევიკი დაესხა თავს, რომელთაგან ერთი ლიკვიდირებულია, მეორემ თავი აიფეთქა, ხოლო მოგვიანებით მესამეც გაანადგურეს.

„საგანგებო ვითარებიდან გამომდინარე ნოვოსელიცკის საბავშვო ბაღებსა და სკოლებში ევაკუაცია გამოცხადდა. რაიონულ ადმინისტრაციაში ანტიტერორისტული კომისიის საგანგებო სხდომა მიმდინარეობს“, — ნათქვამია განცხადებაში.

ადგილობრივ მოსახლეობას მოუწოდებენ, არ გამოვიდნენ სახლებიდან.

ყველა ახალი ამბავი
0