საქართველოს პრემიერ-მინისტრმა არაბთა გაერთიანებულ საამიროებში ვიზიტი დაიწყო

გამოწერა
საქართველოს პრემიერ-მინისტრი შეხვედრებს გამართავს არაბთა გაერთიანებული საამიროების ხელისუფლების წარმომადგენლებთან, ხოლო ბიზნეს-წრეების წარმომადგენლებს საქართველოს საინვესტიციო პოტენციალს გააცნობს. .

თბილისი, 11 აპრილი — Sputnik. საქართველოს პრემიერ-მინისტრი გიორგი კვირიკაშვილი დუბაიში მსოფლიო სავაჭრო ცენტრს ეწვია, სადაც მონაწილეობას მიიღებს ყოველწლიურ საინვესტიციო ფორუმში (Annual Investment Meeting, AIM 2016), აღნიშნულია პრემიერის პრეს-სამსახურის განცხადებაში.

დუბაი - Sputnik საქართველო
საქართველოს პრემიერი დუბაიში საინვესტიციო ფორუმზე სიტყვით გამოვა

ქართული დელეგაცია პრემიერის ხელმძღვანელობით არაბთა გაერთიანებულ საამიროებში სამუშაო ვიზიტით გაემგზავრა.

გიორგი კვირიკაშვილი სიტყვით გამოვა პლენარულ სესიაზე Global Leaders Debate.

პრემიერ-მინისტრი მსოფლიოს უმსხვილეს ინვესტორებს საქართველოს საინვესტიციო პოტენციალს გააცნობს და მიაწვდის ინფორმაციას ეკონომიკის განვითარებისა და ბიზნესის ხელშეწყობის მიზნით საქართველოს მთავრობის მიერ შემუშავებული ახალი ინიციატივების შესახებ.

საქართველოს პრემიერ-მინისტრი შეხვედრებს გამართავს არაბთა გაერთიანებული საამიროების ხელისუფლების წარმომადგენლებთან, საინვესტიციო ფორუმში მონაწილე ბიზნეს-წრეების წარმომადგენლებთან.

საქართველოს დელეგაციის შემადგენლობაში იმყოფება ვიცე-პრემიერი, ეკონომიკისა და მდგრადი განვითარების მინისტრი დიმიტრი ქუმსიშვილი. ქართული დელეგაციის ვიზიტი 12 აპრილს დასრულდება.

ყველა ახალი ამბავი
0