თბილისი, 10 აპრილი — Sputnik. ბრიუსელის ტერაქტებში ეჭვმიტანილმა მოჰამედ აბრინიმ განაცხადა, რომ თავდაპირველად შეტევების განხორციელება საფრანგეთში იგეგმებოდა, განუცხადეს საინფორმაციო სააგენტო „რია ნოვოსტის“ ბელგიის პროკურატურაში.
მანამდე პროკურატურაში პარიზისა და ბრიუსელის ტერაქტების საქმეზე ხუთი ეჭვმიტანილის, მათ შორის მოჰამედ აბრინისა და ოსამა კრაიმერის დაკავების შესახებ განაცხადეს. წინასწარი მონაცემებით, აბრინი, შესაძლოა, ბრიუსელის აეროპორტში 22 მარტს, ტერაქტამდე რამდენიმე წუთით ადრე კამერების მიერ ორ თვითმკვლელ ტერორისტთან ერთად დაფიქსირებული „ადამიანი შლაპით“ იყოს.
"ფედერალურ პროკურატურას შეუძლია დაადასტუროს, რომ გამოძიების მიმდინარეობისას ბევრი დეტალი აჩვენებს, რომ ტერორისტული დაჯგუფება საფრანგეთში ტერაქტებს კვლავ ამზადებდა. ისინი გამოძიებაში ასეთ სწრაფ პროგრესს არ ელოდებოდნენ და ტერაქტის მოწყობა ბრიუსელში გადაწყვიტეს“, — აღნიშნულია პროკურატურის კომუნიკეში.
აბრინის ჩვენებების თანახმად, ტერორიზმში ეჭვმიტანილი სალაჰ აბდესლამის დაკავების შემდეგ ტერაქტის ბელგიაში ორგანიზება გადაწყდა, აღნიშნეს პროკურატურაში.
22 მარტს ორი აფეთქება ბრიუსელის საერთაშორისო აეროპორტში მოხდა, ხოლო მესამე აფეთქება — მეტროპოლიტენში. ტერაქტების შედეგად დაიღუპა 35 ადამიანი, 340 — დაიჭრა.
