თბილისი, 8 აპრილი — Sputnik. „ქართული ოცნების“ დეპუტატი თამაზ მეჭიაური არ გამორიცხავს, უარი თქვას ნატოსთან თანამშრომლობაზე.
„თუ ამ ქვეყნის ინტერესებისთვის დამაზიანებელი იქნება რომელიმე პოლიტიკური თუ სამხედრო ბლოკი და მასთან ძალიან მჭიდრო ურთიერთობა, თუ ეს საფრთხეს შეუქმნის ჩემი ქვეყნის ტერიტორიულ მთლიანობას და მის დაცულობას, მე უარს ვიტყვი ნებისმიერზე, ვინც არ უნდა იყოს და რაც არ უნდა იყოს ის“, — აღნიშნა მეჭიაურმა "რუსთავი 2–ის“ ეთერში.
ჟურნალისტების კითხვაზე, შესაძლებელია თუ არა, რომ ეს იყოს ნატო, მეჭიაურმა განაცხადა: „რა თქმა უნდა, ყველა შეიძლება იყოს“, და იქვე განმარტა, რომ ეს თავად ნატო გვეუბნება უარს მიღებაზე და ამიტომაც გაუგებარია, რატომ არის ამ საკითხზე აურზაური.
