თბილისი, 8 აპრილი — Sputnik. ყარაბაღის კონფლიქტის მხარეები შეთანხმდნენ, რომ დღის მეორე ნახევარში მთლიანად შეწყვეტენ ცეცხლს, რათა ბრძოლის ველზე დაღუპულთა ცხედრები მოიძიონ, განუცხადა ჟურნალისტებს მთიანი ყარაბაღის თვითგამოცხადებული რესპუბლიკის თავდაცვის არმიის პრეს-მდივანმა, პოლკოვნიკმა სენორ ასტრატიანმა, იუწყება „Sputnik სომხეთი“.
„დღეს, ადგილობრივი დროით 15:00-დან 20:00 საათამდე, მხარეთა შეთანხმებით მთლიანად შეწყდება ცეცხლი“, — აღნიშნა პოლკოვნიკმა.
მისი განცხადებით, ეს აუცილებელია „ყარაბაღისა და აზერბაიჯანის ჯარების უგზო-უკვლოდ დაკარგული და დაღუპული სამხედრო მოსამსახურეების ცხედრების მოსაძებნად“.
ასტრატიანმა განაცხადა, რომ ძებნაში მონაწილოებას მიიღებენ წითელი ჯვრის საერთაშორისო კომიტეტის წარმომადგენლები და ყარაბაღის კონფლიქტის მოგვარების საკითხებში ეუთოს მოქმედი თავმჯდომარის პირადი წარმომადგენლის საველე თანაშემწეები.
ყარაბაღში ვითარება 2 აპრილს გამწვავდა.
