თბილისი, 6 აპრილი — Sputnik. საქართველოს ეკონომიკის სამინისტროს საზღვაო ტრანსპორტის სააგენტო ქვეყანაში ყველა საზღვაო ნავსადგურის კომპლექსურ შემოწმებას იწყებს, იუწყებიან საქართველოს ეკონომიკისა და მდგრადი განვითარების სამინისტროში.
შემოწმების მიზანია საზღვაო ნავსადგურების შესაბამისობის დადგენა საერთაშორისო ნორმებსა და საქართველოს კანონმდებლობასთან მიმართებაში, აცხადებენ ეკონომიკის სამინისტროში.
„საზღვაო ნავსადგურების გამართული მუშაობა პირდაპირ კავშირშია ტვირთების და მგზავრების უსაფრთხო გადაადგილებასთან ტრანზიტულ კორიდორში“,-აცხადებენ საქართველოს ეკონომიკისა და მდგრადი განვითარების სამინისტროში.
სააგენტო, როგორც საზღვაო დარგის ტექნიკური მარეგულირებელი უწყება, თავისი კომპეტენციის ფარგლებში ცდილობს საერთაშორისო ნორმებისა და კარგი საზღვაო პრაქტიკის დანერგვას საქართველოს საზღვაო სივრცეში.
