თბილისი, 6 აპრილი — Sputnik. საქართველოს პოლიტიკურმა პარტიებმა 2016 წლის დასაწყისიდან, შემოწირულობის სახით, 428,5 ათასი ლარი მიიღეს, აღნიშნეს პოლიტიკური პარტიების ფინანსური მონიტორინგის სამსახურის პრეს-ცენტრში.
ოპოზიციურმა მოძრაობამ „ახალი პოლიტიკური ცენტრი — გირჩი“ ყველაზე მსხვილი თანხა მიიღო — დაახლოებით 168 ათასი ლარი. მეორე ადგილზეა ირმა ინაშვილის „პატრიოტთა ალიანსი, რომელსაც შემოწირულობის სახით 143,3 ათასი ლარი ჩაერიცხა. მესამე ადგილზეა კიევის ყოფილი მერის, მილიონერ ლეონიდ ჩერნოვეცკის „ბედნიერი საქართველოსთვის“ – 45 ათასი ლარი.
შემდეგ მოდის ყოფილი მმართველი პარტია „ერთიანი ნაციონალური მოძრაობა“ – 30 ათასი ლარი.
რაც შეეხება მმართველ პარტია „ქართული ოცნება — დემოკრატიულ საქართველოს“, მას სამი თვის განმავლობაში სულ 20,5 ათასი ლარი ჩაერიცხა.
„რესპუბლიკურ პოარტიას“ ჩაერიცხა დაახლოებით 6 ათასი ლარი, ირაკლი ალასანიას „თავისუფალ დემოკრატებს“ – 4 ათასი ლარი.
ყველაზე მცირე თანხა — 5 ლარი ჩაერიცხა პარტიას „განახლებული საქართველოსთვის“ (ლიდერი ნანა გულუა).
