თბილისი, 6 აპრილი — Sputnik. ნატოს აღმოსავლეთით გაფართოება ევროპის კონტინენტის უსაფრთხოებას ასუსტებს და ეს უნდა გვახსოვდეს, ვინაიდან აშშ და ევროკავშირი ამავდროულად ანტირუსული ისტერიის გრადუსის აწევას ლამობენ, — განაცხადა სახელმწიფო სათათბიროს სპიკერმა სერგეი ნარიშკინმა.
მისი თქმით, ბოლო დროს სულ უფრო მეტი ექსპერტი იზიარებს მოსაზრებას, რომ ალიანსის აღმოსავლეთით გაფართოებით კონტინენტის უსაფრთხოება მხოლოდ ეცემა, ხოლო ევროპაში შეიარაღების რეჟიმის კონტროლი არსებითად შესუსტდა.
„ეს უნდა გვახსოვდეს, ვინაიდან ამავდროულად ამერიკის ადმინისტრაცია და ევროკავშირელი მაღალჩინოსნები ანტირუსული ისტერიის გრადუსის აწევას ლამობენ. აბა, როგორ არ უნდა წამოიჭრას ეჭვი, რომ ასეთ წნეხს მიღმა სხვა, თანაც ევროპის უსაფრთხოებისთვის რეალური საშიშროების დაფარვის მცდელობა დგას“, — დაამატა პარლამენტარმა.
