თბილისი, 4 აპრილი — Sputnik. თბილისში დაიწყო ახალგაზრდებისთვის რუსული ენის შემსწავლელ უფასო კურსებზე განცხადებების მიღება, იუწყება ღონისძიების ორგანიზატორი, ევგენი პრიმაკოვის სახელობის ქართულ-რუსული საზოგადოებრივი ცენტრი.
სწავლება ორ ჯგუფად ჩატარდება — ენის ცოდნის დონის მიხედვით — საშუალო და მაღალი დონის ჯგუფებში.
მსურველებს შეუძლიათ გააგზავნონ ანკეტა საკონტაქტო ინფორმაციით და ფოტო ელ-ფოსტაზე iirgeo@hotmail.com. განაცხადები მიიღება 2016 წლის 4-დან 10 აპრილამდე.
რუსულ-ქართული/ქართულ-რუსული საზოგადოებრივი ცენტრი გორჩაკოვის ფონდისა და ქართული საერთაშორისო ურთიერთობათა ინსტიტუტის მიერ შეიქმნა.
ფონდის მიზანია — ქართულ-რუსული ურთიერთობების იმ რთული საკითხების გადაწყვეტა, რომელიც ორივე მხარის საზოგადოებას აღელვებს. ცენტრის ხელმძღვანელია ცნობილი ქართველი ისტორიკოსი ზაზა აბაშიძე.
