სიმდიდრის მიხედვით ქვეყნების მსოფლიო რეიტინგში საქართველო 113-ე ადგილზეა

© photo: Sputnik / Александр Имедашвилиთბილისის ქუჩებში
თბილისის ქუჩებში - Sputnik საქართველო
გამოწერა
Global Finance Magazine-ის ვერსიით, კატარი, ლუქსემბურგი და სინგაპური მსოფლიოს უმდიდრეს ქვეყნებად დასახელდა. ყველაზე ღარიბი ქვეყნებია ცენტრალური აფრიკის რესპუბლიკა, კონგო და მალავი.

თბილისი, 4 აპრილი — Sputnik. ამერიკული გამოცემა Global Finance Magazine-ის ვერსიით, ეკონომიკის დონის მიხედვით ქვეყნების რეიტინგში The Richest Countries in the World საქართველოს 113-ე ადგილი უკავია.

გამოცემამ მსოფლიო ბანკისა და საერთაშორისო სავალუტო ფონდის მონაცემთა საფუძველზე ყველაზე მდიდარი ქვეყნების რეიტინგი შეადგინა მთლიანი შიდა პროდუქტის (მშპ) მიხედვით, რაც ერთ სულ მოსახლეზე მსყიდველობითუნარიანობის პარიტეტის საფუძველს ეყრდნობა, იგი ითვალისწინებს ცხოვრების შეფარდებით ღირებულებასა და ინფლაციის დონეს ქვეყნებში. სულ სიაში 185 სახელმწიფო შევიდა.

გაეროს მოხსენება Human Development Reports 2015 - Sputnik საქართველო
“ადამიანის განვითარების ინდექსის“ რეიტინგში 2015 წელს საქართველომ 76-ე ადგილზეა

საქართველო ერთ სულ მოსახლეზე მშპ-ის 8,2 ათასი აშშ დოლარით 113-ე ადგილზე აღმოჩნდა.

Global Finance Magazine-მა მსოფლიოს უმდიდრეს ქვეყნად კატარი დაასახელა, მას მოსდევს ლუქსემბურგი და სინგაპური. ბოლო სამი ადგილი უკავიათ ცენტრალური აფრიკის რესპუბლიკას, კონგოსა და მალავის.

საქართველოს უახლოესი მეზობლებიდან ლიდერობს რუსეთი (51-ე ადგილი). თურქეთი 62-ე ადგილზეა, აზერბაიჯანი — 64-ზე და სომხეთი — 116-ზე.

ყველა ახალი ამბავი
0