თბილისი, 3 აპრილი — Sputnik. აჭარის რეგიონისა და მისი ტურისტული პროდუქტების მიმართ, განსაკუთრებული ინტერესია უკრაინის საერთაშორისო ტურისტულ გამოფენაზე „UITT-Kiev 2016". იტყობინება აჭარის ტურიზმისა და კურორტების დეპარტამენტი.
აჭარის ტურიზმის დეპარტამენტი გამოფენაში საქართველოს ტურიზმის ეროვნულ ადმინისტრაციასთან ერთად მონაწილეობას. რეგიონის პოპულარიზაციის მიზნით სტენდში წარმოდგენილია აჭარა-ბათუმის ტურისტული პოტენციალის ამსახველი სარეკლამო-საინფორმაციო მასალები.
ინფორმაციის თანახმად, უკრაინა რეგიონისათვის ერთ-ერთ მნიშვნელოვან ტურისტულ ბაზარს წარმოადგენს. აჭარის ტურიზმის დეპარტამენტი უკრაინაში მარკეტინგულ კამპანიებს 2011 წლიდან ახორციელებს.
აღსანიშნავია, რომ 2015 წელს წინა წლის ანალოგიურ პერიოდთან შედარებით რეგიონში 1,5 %-ით მეტი უკრაინელი ტურისტი შემოვიდა. ბოლო წლებში, აჭარაში უკრაინელი ვიზიტრების მატება კიევსა და ბათუმს შორის არსებული ჩარტერული ფრენების დამსახურებაცაა. მიმდინარე წელს, ბათუმის მიმართულებით ფრენები უკვე განაახლა ავიაკომპანია „იან ეარმა“, რომელმაც პირველი რეისი კიევი-ბათუმი 27 მარტს შეასრულა. ივნისიდან, კი ბათუმის მიმართულებით ფრენებს იწყებს ავიაკომპანია „დნეპრავია“, რომელიც ჩარტერულ რეისებს ოდესიდან და დნეპროპეტროვსკიდან გეგმავს.
