თბილისი, 1 აპრილი — Sputnik. მმართველ კოალიციაში შემავალი კიდევ ერთი პარტია — „ეროვნული ფორუმი“ მიიღებს კოალიციისგან დამოუკიდებლად 2016 წლის არჩევნებში მონაწილეობას. ამის შესახებ პარტიის ლიდერმა გუბაზ სანიკიძემ განაცხადა.
„რესპუბლიკელებმა" და „ოცნებამ“ დაგვასწრეს გადაწყვეტილების მიიღება. ჩვენი ყრილობის დღის წესრიგი შეიცვლება. უცხადესია, რომ ფორუმი არჩევნებში ცალკე გავა. მთავარი კითხვა და აქცენტი დარჩა – დავრჩებით თუ არა კოალიციაში“, — განაცხადა გუბაზ სანიკიძემ „რუსთავი 2"–ის ეთერში.
პარტიის ლიდერის თქმით, თუ „ეროვნული ფორუმი“ არ დარჩება კოალიციაში, შესაბამისად, უმრავლესობაშიც აღარ დარჩება, ხოლო უმრავლესობის გარეშე პარლამენტს ძალიან გაუჭირდება მუშაობა.
„ეროვნული ფორუმის“ ყრილობა 3 აპრილსაა დანიშნული.
