თბილისი, 25 მარტი– Sputnik. საქართველოს ჭაბუკთა ნაკრებმა ფეხბურთში (U-19) ინგლისის ნაკრებთან წააგო ანგარიშით 1:2. მატჩი 2016 წლის ევროპის ჩემპიონატის ელიტ-რაუნდის ფარგლებში ჩატარდა, იუწყება უეფას ოფიციალური ვებ-გვერდი.
ბრიტანელები შეხვედრის უკვე მეათე წუთზე 2:0 იგებდნენ. გოლები გაიტანეს ტემი აბრაჰამმა და ჯოშუა ონომმა.
გიორგი ყიფიანის გუნდმა ბურთის გატანა მხოლოდ შეხვედრის ბოლოს შეძლო. გოლის ავტორი გურამ გოშთელიანია.
პარალელურ მატჩში ელიტ-რაუნდის მასპინძლებმა — ესპანელებმა საბერძნეთის გუნდს სძლიეს 2:0 და ჯგუფს სათავეში ჩაუდგნენ.
შემდეგ ორთაბრძოლას საქართველოს ნაკრები ესპანეთის წინააღმდეგ 26 მარტს ჩაატარებს.
კონტინენტური პირველობის ელიტ-რაუნდში შვიდ ჯგუფად დაყოფილი 28 გუნდი მონაწილეობს. ტურნირის ფინალში თითოეული ჯგუფის გამარჯვებული გავა, მათ მასპინძელი გუნდი შეუერთდება.
2016 წლის ევროპის ჩემპიონატი U-19 გერმანიაში მიმდინარე წლის ივლისში გაიმართება.
