თბილისი, 24 მარტი — Sputnik. საქართველოს შინაგან საქმეთა სამინისტომ გამოძიება დაიწყო ჯვრის მონასტრის კედელზე არაბულ, თურქულ და ლათინურ ენებზე გაკეთებულ წარწერებთან დაკავშირებით, იუწყება სამინისტროს პრეს-სამსახური ხუთშაბათს.
იმის შესახებ, რომ უცნობმა პირებმა მონასტრის კედლებზე წარწერები დატოვეს, სოციალური ქსელის წარმომადგენელმა 23 მარტს გააკეთა განცხადება თავის Facebook-ის გვერდზე და იქვე დამამტკიცებელ საბუთად მონასტრის კედლის ფოტო გამოაქვეყნა.
„დაკავებულები არ არიან. მიმდინარეობს გამოძიება. როდის გაჩნდა წარწერები, ამის დაზუსტებით თქმა არ შეგვიძლია“, — განაცხადეს შსს-ს პრეს-სამსახურში.
სისხლის სამართლის საქმე აღძრულია საქართველოს სისხლის სამართლის კოდექსის 2592 მუხლის მესამე ნაწილით („ეროვნული მნიშვნელობის ძეგლების განადგურება, ასევე დაზიანება ან განადგურება ძეგლების, რომლებიც შეტანილია მსოფლიო მემკვიდრეობის ნუსხაში“), რაც ისჯება თავისუფლების აღკვეთით ოთხიდან რვა წლამდე.
ჯვრის სამონასტრო კომპლექსი, რომელიც იუნესკოს კულტურული მემკვიდრეობის ნუსხაში შედის, ქართული არქიტექტურის ერთ-ერთი უმნიშვნელოვანესი ძეგლია.
