თბილისი 22 მარტი — Sputnik. დღევანდელი მოვლენები კიდევ ერთხელ ცხადყოფს, რომ ტერორიზმს არ აქვს საზღვრები, ჩვენი ვალია ამ საშინელი საფრთხის წინააღმდეგ ერთიანობა და ძალისხმევის სრული მობილიზება, განაცხადა საუდის არაბეთში ოფიციალურ ვიზიტად მყოფმა საქართველოს პარლამენტრის თავმჯდომარემ დავით უსუფაშვილმა ბრიუსელში სამშაბათს მომხდარ ტერაქტთან დაკავშირებით.
პარლამენტის თავმჯდომარემ ქართველი ხალხის სახელით მიუსამძიმრა ტერაქტის მსხვერპლთა ოჯახებს.
„შეძრწუნებული ვარ საზარელი ტერორისტული აქტებით ევროპის დედაქალაქში — ბრიუსელში. საქართველოს პარლამენტისა და ქართველი ხალხის სახელით ვუსამძიმრებ დაღუპულთა ოჯახების წევრებს, თანაგრძნობას გამოვხატავ ბელგიის ფედერალურ პარლამენტში ჩვენი კოლეგებისა და მთელი ბელგიელი ხალხის მიმართ“, — ნათქვამია დავით უსუფაშვილის განცხადებაში, რომელსაც საქართველოს პარლამენტის პრეს-სამსახური ავრცელებს.
