რიგის ზოოპარკის მიერ ნაჩუქარი ცხოველები თბილისის ზოოპარკში ჩამოიყვანეს

© Тбилисский зоопаркაქლემი ვილი თბილისში ჩამოვიდა
აქლემი ვილი თბილისში ჩამოვიდა - Sputnik საქართველო
გამოწერა
რიგის ზოოპარკის მიერ თბილისისათვის ნაჩუქარი ცხოველები კვირას, საღამოს ბათუმის პორტში ბორნით ჩამოვიდნენ, თუთიყუშები კი თვითმფრინავით შაბათს ეწვივნენ თბილისს.

თბილისი, 21 მარტი — Sputnik. ცხოველები, რომლებიც რიგის ზოოპარკმა წყალდიდობის შემდეგ დაზარალებულ თბილისის ზოოპარკს აჩუქა, თბილისში ჩამოიყვანეს.

რიგამ თბილისს ორი თუთიყუში — ჩაბულისი და ფილიპინი, სამი ლამა — თომასი, კარმენი და კამენი, იაკი პუპოლსი და აქლემი ვილი აჩუქა. თუთიყუშები თბილისში შაბათს თვითმფრინავით ჩამოიყვანეს, დანარჩენები კი კონტეინერებით ბორანით ჩამოვიდნენ ბათუმის პორტში კვირა საღამოს. 

ცხოველთა საქართველოში ტრანსპორტირებისთვის რიგის თვითმმართველობამ 15 ათასი ევრო გამოყო. 

აქლემები - Sputnik საქართველო
თბილისის ზოოპარკს რიგიდან აქლემი შეემატება

„ჩამოვიდა თუ არა აქლემი ვილი საქართველოში, პირველი, რაც გააკეთა, ვაშლები დაახრამუნა“, — იტყობინება თბილისის ზოოპარკის ადმინისტრაცია, რომელმაც თავის Facebook-გვერდზე ცხოველის ფოტოები გამოაქვეყნა. 

თბილისში ასევე ჩამოვლენ სხვადასხვა ცხოველები ანტვერპენის, ამერსფორტის, დუისბურგის, უიპსეიდის, იზმირის და სხვა ქალაქების ზოოპარკებიდან.

გძინავთ? რა დროს ძილია, ეს ხომ ვილია! რა დროს პოსტია ამ შუაღამისას? რა ვქნათ, ძალიან გვინდა ჩვენი აქლემი გაგაცნოთ 󾌴 საჩქაროდ წამოდგომა და ტანთ ჩაცმა არაა აუცილებელი. წამოწოლილებმაც შეიძლება უყუროთ!Rīgas Zoodārzs / Riga Zoo

Posted by თბილისის ზოოპარკი • Tbilisi Zoo on 2016 წლის 20 მარტი, კვირა

2015 წლის 14 ივნისს მომხდარი წყალდიდობის შედეგად დაიტბორა თბილისის ზოოპარკი და მისი 600-მდე ბინადარისგან მხოლოდ ნახევარზე ნაკლები გადარჩა. თბილისის ზოოპარკისთვის დახმარების სურვილი მსოფლიოს მრავალმა ზოოპარკმა გამოთქვა. 


ყველა ახალი ამბავი
0