თბილისი, 18 მარტი — Sputnik. პარლამენტის პარასკევის პლენარული სხდომა „ქართული ოცნებისა“ და „ნაცმოძრაობის“ დეპუტატთა შორის ახალი შეხლა–შემოხლით აღინიშნა.
დაპირისპირება დეპუტატ ნუგზარ წიკლაურის („ნაცმოძრაობა“) განცხადებას მოჰყვა, რომ ხელისუფლებამ კრახი განიცადა უკანონო თვალთვალთან ბრძოლაში. დეპუტატი ნუკრი ქანთარია („ქართული ოცნება“) გააღიზიანა ამ სიტყვებმა, კოლეგა გვერდზე გაიხმო, ცალკე გადასხდნენ და საქმის გარჩევა დაიწყეს.
მოგვიანებით მათ სიტყვიერ გარჩევაში სხვა დეპუტატებიც ჩაერთვნენ. უმრავლესობის დეპუტატმა გიგა ბუკიამ „ნაციონალ“ აკაკი მინაშვილს მოუქნია ხელი, თუმცა სხვა დეპუტატების დროულმა ჩარევამ ხელი შეუშალა ჩხუბის დაწყებას.
მიმდინარე კვირაში ეს უკვე მეორე შემთხვევაა, როდესაც ქართველი დეპუტატები კონსტრუქციული დიალოგის ნაცვლად მუშტი–კრივს მიმართავენ.
