თბილისი, 17 მარტი — Sputnik. საქართველოს წარმომადგენელი ოქსანა კალაშნიკოვა იტალიელ სარა ერანისთან წყვილში WTA Masters-ის სერიის საჩოგბურთო ტურნირის ნახევარფინალში გავიდა. ტურნირი აშშ-ის ქალაქ ინდიან-უელსში მიმდინარეობს, იუწყება ტურნირის ოფიციალური ვებ-გვერდი.
მეოთხედფინალში ქართულ-იტალიურმა დუეტმა ანდრეა გლავაჩკოვა/ლუცია გრადეცკას ჩეხურ წყვილს სამ სეტში სძლია — 3:6, 6:3, 10:5.
ამ წარმატების წყალობით ორივე ჩოგბურთელმა საკუთარი აქტივი 390 სარეიტინგო ქულით გაამდიდრა.
ფინალში გასასვლელად კალაშნიკოვა/ერანის წყვილი ინტერნაციონალურ იულია გერგესი (გერმანია)/კაროლინა პლიშკოვას (ჩეხეთი) დუეტს შეხვდება.
ტურნირის საპრიზო ფონდი 6 მილიონ აშშ დოლარზე მეტს შეადგენს.
