თბილისი, 4 მარტი — Sputnik. წყალგამანაწილებელი კომპანია “ ბათუმის წყლის“ დირექტორმა ალექსანდრე მიქელაძემ, რომელზეც მასმედიაში გავრცელდა ინფორმაცია თანამდებობის ბოროტად გამოყენების შესახებ, სიტუაციის გარკვევამდე თანამდებობიდან გადადგა, იუწყება რადიოსადგური „პირველი რადიო“.
საინფორმაციო საშუალებების მონაცემებით, მიქელაძემ, რომელსაც ბათუმის ერთ-ერთ რესტორანში მისთვის სასურველი მაგიდით სარგებლობის უფლება არ მისცეს, ობიექტისთვის წყლის გადაკეტვის განკარგულება გასცა.
მომხდარი ფაქტი ძალზე ნეგატიურად აღიქვა საქართველოს პრემიერ-მინისტრმა გიორგი კვირიკაშვილმა, რომელმაც განაცხადა, რომ მთავრობა არ მისცემს უფლებას სახელმწიფო მოხელეეებს, თანამდებობა საკუთარი სურვილების დასაკმაყოფილებლად გამოიყენონ.
მომხდარის დეტალებს შსს-ს აჭარის ა/რ პოლიციის დეპარტამენტი არკვევს.
