თბილისი, 4 მარტი — Sputnik. ტერორისტული ორგანიზაცია „ისლამური სახელმწიფოს“ მებრძოლები უახლოეს ხანებში ევროპაში ტერაქტებს გეგმავენ, ნათქვამია გაფრთხილებაში, რომელიც ხუთშაბათს აშშ-ის სახელმწიფო დეპარტამენტმა გაავრცელა.
„სარწმუნო ინფორმაცია გვიჩვენებს, რომ ისეთი ტერორისტული დაჯგუფებები, როგორიცაა „ისლამური სახელმწიფო“ და „ალ-კაიდა“ და მისი მომხრეები უახლოეს ხანებში ევროპაში ტერაქტებს ამზადებენ. ყველა ევროპული ქვეყანა მოწყვლადია საერთაშორისო ტერორისტული ორგანიზაციების თავდასხმების წინაშე“, — ნათქვამია დოკუმენტში.
ხაზგასმულია, რომ ექსტრემისტებს მიზანში აქვთ ამოღებული „მსხვილი სპორტული ღონისძიებები, თეატრები, ღია ბაზრები, საავიაციო სამსახურები, სატრანსპორტო სისტემები და საზოგადოებრივი ადგილები“. „ხელისუფლება თვლის, რომ ევროპაში ტერაქტების გაგრძელების დიდი ალბათობაა, რადგან სირიიდან და ერაყიდან იქ ბრუნდებიან ევროპის მოქალაქეები, რომლებიც „ისლამურ სახელმწიფოს“ უჭერენ მხარს“, — ნათქვამია დოკუმენტში.
იქვე აღნიშნულია, რომ ტერაქტები შესაძლოა მოხდეს სხვა რეგიონებშიც, კერძოდ ახლო აღმოსავლეთში.
