თბილისი, 2 მარტი — Sputnik. რასიზმისა და შეუწყნარებლობის წინააღმდეგ ბრძოლის ევროპული კომისიის (ECRI) რეკომენდაცია საქართველოში ჰომოფობიასთან მებრძოლი განყოფილების შემქნის თაობაზე სრულად ემთხვევა სახალხო დამცველის აპარატის პოზიციას, განაცხადა საქართველოს ომბუდსმენმა უჩა ნანუაშვილმა.
„რასიზმისა და შეუწყნარებლობის წინააღმდეგ ბრძოლის ევროპული კომისიისა და სახალხო დამცველის რეკომენდაციები ერთმანეთს ემთხვევა. ჩვენ არაერთხელ მივუთითეთ პრობლემაზე, რომ მსგავსი ფაქტები არსებობს… ჩვენ რეაგირება უნდა მოვახდინოთ კონკრეტულ ინციდენტებზე“, — განაცხადა უჩა ნანუაშვილმა.
მისი თქმით, ECRI-ს მოხსენება ნაწილობრივ სახალხო დამცველის აპარატის მასალებზე დაყრდნობითაა მომზადებული.
