თბილისი, 1 მარტი — Sputnik. საქართველოში სექსუალური უმრავლესობის უფლებები ირღვევა, განაცხადა ფრაქცია „ქართული ოცნების“ დეპუტატმა თამაზ მეჭიაურმა.
რასიზმისა და შეუწყნარებლობის წინააღმდეგ ევროპულმა კომისიამ (ECRI) საქართველოს შესახებ მოხსენება გამოაქვეყნა. კომისია ხელისუფლებას აძლევს რეკომენდაციას, შექმნას პოლიციის სპეციალური დანაყოფი, რომელიც სიძულვილით მოტივირებულ დანაშაულზე იმუშავებს.
„როგორც ვხვდები, საქართველოში ყველაზე მეტად ირღვევა ტრადიციული სექსუალური ორიენტაციის მქონე უმრავლესობის უფლებები. შიშისგან უკვე ვერაფერს იტყვი, ყველაფერს „ფობიას“ ეძახიან“, – თქვა მეჭიაურმა ტელეკომპანია „რუსთავი 2“-ის ეთერში.
საქართველოში სექსუალური უმცირესობის წარმომადგენლებს ბოლო დროს უფრო მეტ უფლებებს აძლევენ, ვიდრე ტრადიციული ორიენტაციის ადამიანებს, აღნიშნა დეპუტატმა.
