თბილისი, 26 თებერვალი — Sputnik. რუსეთის მოსახლეობის უმრავლესობა მაისის დღესასწაულების გატარებას საქართველოში ამჯობინებენ. ამაზე მეტყველებს საიტ Skyscanner–ზე დაჯავშნული ბილეთების რაოდენობა, — იუწყება პორტალი "Рамблер. Путешествия".
ამ დროის მონაცემებით, Skyscanner–ზე ყოველთვიურად ოთხ მილიონზე მეტი ადამიანი შედის. საიტმა სამაისოდ დაჯავშნული ბილეთების ანალიზი ჩაატარა და გაარკვია, თუ რომელ ქვეყნებზეა ყველაზე დიდი მოთხოვნა წელს.
კვლევამ აჩვენა, რომ ყველაზე დიდი პოპულარობით საქართველოს დედაქალაქი სარგებლობს და აქ მოგზაურობით დაინტერესება 110%-ითაა გაზრდილი.
მეორე ადგილზე სომხეთის დედაქალაქი ერევანია, სადაც სამოგზაუროდ წასვლას, შარშანდელთან შედარებით, 62%-ით მეტი გეგმავს.
მესამე ადგილზე კვიპროსი, უფრო სწორედ, კურორტი ლარნაკაა, რომელსაც წელს, შარშანდელთან შედარებით, 50%-ით მეტი რუსი ეწვევა.
შესამჩნევადაა დაწეული დასავლეთ ევროპის ქვეყნებში მაისის დღესასწაულების გატარების მსურველთა რაოდენობა. პოპულარობა ყველაზე მეტად დაუვარდა პარიზს — 46%, ბერლინს — 29% და მილანს — 28%.
