თბილისი, 22 თებერვალი — Sputnik. საქართველოს თავდაცვის მინისტრი თინა ხიდაშელი ოფიციალური ვიზიტით ავსტრიაში იმყოფება.
ვიზიტის ფარგლებში თავდაცვის უწყების ხელმძღვანელი უკვე შეხვდა ავსტრიის რესპუბლიკის ეროვნული საბჭოს მე-2 პრეზიდენტს, კარლჰაინც კოფვს. სამუშაო სადილს საქართველოს თავდაცვის სამინისტროს დელეგაციის წევრებთან ერთად საქართველოს ელჩი ავსტრიის რესპუბლიკაში და მუდმივი წარმომადგენელი ეუთოში კონსტანტინე ზალდასტანიშვილი დაესწრო.
ავსტრიაში ვიზიტის ფარგლებში საქართველოს თავდაცვის მინისტრი ეუთოს გენერალურ მდივანს ლამბერტო ძანიერის შეხვდება და სიტყვით გამოვა ეუთოს უსაფრთხოების თანამშრომლობის ფორუმის საგანგებო პლენარულ სხდომაზე. დაგეგმილია შეხვედრები ნატოს წევრი სახელმწიფოების მუდმივ წარმომადგენლებთან ეუთოში და საჯარო გამოსვლა აღმოსავლეთ ევროპაში კონფლიქტების თემაზე.
