თბილისი, 21 თებერვალი — Sputnik. ნევადაში „დემოკრატიული პარტიის“ პრეზიდენტობის კანდიდატებს შორის პირველადი არჩევნების გამარჯვებული კარტით გამოვლინდა.
საქმე ისაა, რომ არჩევნები ნევადაში კოკუსების — ამომრჩეველთა კრების სახით ტარდება. კრების მონაწილეები დარბაზის სხვადასხვა კუთხეში იკრიბებიან და სასურველ კანდიდატს აძლევენ ხმას.
კარსონ სითის საარჩევნო უბანზე ჰილარი კლინტონისა და ბერნი სანდერსის მხარდამჭერების რაოდენობა თანაბარი იყო, ამიტომ არჩევნების ბედი კარტს მიანდეს. დასტა ორჯერ აურიეს და პრეზიდენტობის კანდიდატებს თითო კარტის ამოღება შესთავაზეს. კლინტონს ჯვრის ცხრიანი შეხვდა, ხოლო სანდერსს — გულის შვიდიანი. შესაბამისად, გაიმარჯვა მაღალმა „მასტმა“ — ანუ კლინტონის კარტმა და მან 11 ხმიდან 6 მიიღო.
საბოლოოდ, ნევადაში კლინტონმა გაიმარჯვა ხმათა 52%-ით, სანდერსმა 48%-ის მიღება შეძლო.
