სოფლის მეურნეობის სამინისტრო აგრო-ბარათების დარიგებას რეგიონში ახორციელებს

© ს. კაკაჩიააგრობარათები ფერმერებისათვის
აგრობარათები ფერმერებისათვის - Sputnik საქართველო
გამოწერა
საქართველოს სოფლის მეურნეობის სამინისტროსა და სოფლის მეურნეობის პროექტების მართვის სააგენტოს წარმომადგენლები მოსახლეობისათვის ბარათების დარიგებისა და გამოყენების წესების ამსახველ პრეზენტაციას რეგიონის მასშტაბით მართავენ.

თბილისი, 19 თებერვალი — Sputnik./სოფო კაკაჩია/ სამეგრელო-ზემო სვანეთის რეგიონში, „მცირემიწიან ფერმერთა საგაზაფხულო სამუშაოების ხელშეწყობის პროგრამა“ დაიწყო. მუნიციპალიტეტებში მოსახლეობისთვის განკუთვნილი სასოფლო-სამეურნეო ბარათების დარიგების პროცესი მიმდინარეობს, იტყობინება სამეგრელო-ზემო სვანეთის გუბერნიის პრესსამსახური.

საქართველოს სოფლის მეურნეობის სამინისტროსა და სოფლის მეურნეობის პროექტების მართვის სააგენტოს წარმომადგენლები მოსახლეობისათვის ბარათების დარიგებისა და გამოყენების წესების ამსახველ პრეზენტაციას რეგიონის მასშტაბით მართავენ.

ზუგდიდის მერიის წინ მუშებმა ხელფასების მოთხოვნით აქცია გამართეს - Sputnik საქართველო
თუ ხელფასს უახლოეს დღეებში არ მიიღებენ, ზუგდიდელი მუშები ქვაფენილის აყრით იმუქრებიან

ფერმერები, მიწის ფართობების მიხედვით დაიყო კატეგორიებად და მიიღებენ სხვადასხვა ოდენობის სარგებელს.ეს კატეგორიებია:

ფერმერები, რომელთაც საკუთრებაში ან სარგებლობაში გააჩნიათ 0,25 ჰა-მდე ფართობის მიწის ნაკვეთი მიიღებენ აგრო ბარათებს, რომელზეც 50 ლარის შესაბამისი 50 ქულა იქნება დარიცხული;

ფერმერები, რომელთაც გააჩნიათ 0.25 ჰა დან 1,25 ჰა-ის ჩათვლით ფართობის მიწის ნაკვეთები, რომელსაც იყენებენ ერთწლიანი კულტურების მოსაყვანად მიიღებენ ხვნის ბარათებს ჰექტარზე 140 ლარის გაანგარიშებით;

მოსარგებლეებს, რომელთაც გააჩნიათ 0,25 ჰა-დან 1.25 ჰა-ს ჩათვლით ფართობის სასოფლო-სამეურნეო დანიშნულების მიწის ნაკვეთები, რომელზედაც გაშენებული აქვთ მრავალწლიანი კულტურების ნარგავები და არ გააჩნიათ ერთწლიანი კულტურების წარმოებისთვის განკუთვნილი მიწის ნაკვეთები, „აგრო ბარათზე“ დაერიცხებათ ნაკვეთის ფართობის პროპორციული ქულების რაოდენობა 1 ჰექტარზე 140 ლარის გადაანგარიშებით.

პირველ ეტაპზე, რეგიონში ბარათს 99 828 ათასი ბენეფიციარი მიიღებს. დამუშავდება 52 021 ჰექტარი მიწის ფართობი.

სოფლის მეურნეობის სამინისტრო უკვე მეოთხე წელია აღნიშნულ პროგრამას ახორციელებს. პროგრამა ორიენტირებულია მცირემიწიანი ფერმერების მაქსიმალურ ხელშეწყობაზე. 

 

ყველა ახალი ამბავი
0