თბილისი, 18 თებერვალი — Sputnik. თვითნაკეთი ასაფეთქებელი მოწყობილობა ამოქმედდა თურქეთის პროვინცია დიარბაქირში სამხედრო ბადრაგის სამოძრაო გზაზე, არიან დაჭრილები, — იუწყება "რია ნოვოსტი" პორტალ Haberturk-ზე დაყრდნობით.
ინციდენტი ქალაქ ლიჯეს მიდამოებში მოხდა. შემთხვევის ადგილზე გამოცხადდნენ სასწრაფო დახმარების მანქანები და დიდი რაოდენობით ძალოვანები, რომლებმაც უკვე დაიწყეს ანტიტერორისტული ოპერაცია.
თურქეთის ხელისუფლებამ 2015 წლის დეკემბერში ქვეყნის სამხრეთ-აღმოსავლეთ ნაწილში, ქურთებით დასახლებულ რეგიონებში, ძირითადად, დიარბაქირში, სილოპში, შირნაკში, ნუსაიბინსა და მარდინში კომენდანტის საათი შემოიღო.
თურქეთის გენშტაბის ინფორმაციით, დეკემბრის შუა რიცხვებიდან ამ რაიონებში განხორციელებული ანტიტერორისტული ოპერაციისას 850-ზსე მეტი ქურთი ბოევიკი გაანადგურეს.