თბილისი, 15 თებერვალი — Sputnik. აშშ მზად არის დაეხმაროს საქართველოს ოჯახური ძალადობის მსხვერპლთათვის უსაფრთხო გარემოს შექმნაში, განუცხადა ჟურნალისტებს აშშ-ს ელჩმა საქართველოში იან კელიმ.
სტატისტიკური მონაცემებით, ოჯახურ ძალადობასთან დაკავშირებული დანაშაულის რიცხვი საქართველოში გაიზარდა. მიმდინარე წლის იანვარში ქვეყანაში ოჯახური ძალადობის 172 შემთხვევა დაფიქსირდა, რაც 62,26%-ით აღემატება გასული წლის ანალოგიურ პერიოდს.
„საქართველო აღიარებს ამ საკითხების მნიშვნელოვნებას (ოჯახური ძალადობა — რედ. შენიშვნა) და ცდილობს გადაწყვიტოს ისინი. ჩვენ ჩვენის მხრივ მზად ვართ გავუწიოთ ნებისმიერი დახმარება, რაც აუცილებელი იქნება, იმისათვის, რომ საფრთხის ქვეშ მყოფ ოჯახის წევრებს უსაფრთხო გარემო შევუქმნათ“, — თქვა კელიმ.
„ოჯახური ძალადობის“ მუხლი საქართველოს სისხლის სამართლის კოდექსში 2012 წლის ივნისში შევიდა. 2014 წელს საქართველოს პარლამენტმა მსგავსი დანაშაულის მკვეთრი ზრდის გამო, მიიღო კანონი რომელიც ოჯახურ ძალადობას ეხება, ხოლო 2015 წელს ამ კანონის საფუძველზე საქართველოს სისხლის სამართლის კოდექსში ცვლილებები შევიდა.
