თბილისი, 12 თებერვალი — Sputnik. უახლოეს ხანებში გამოცხადდება საერთაშორისო ტენდერი 400 კვტ-იანი საქართველო-სომხეთის ელექტროგადამცემი ხაზის მშენებლობაზე, იტყობინება სომხეთის ენერგეტიკისა ბუნებრივი რესურსების სამინისტროს პრესსამსახური.
პროგრამის რეალიზება გერმანიის განვითარების ბანკის (KfW) მხარდაჭერით ხდება. პროგრამის ღირებულება წინასწარი მონაცემებით 326,9 მილიონი ევროა, რომელთაგან 10%-ს ქართული მხარე უზრუნველყოფს.
ამ დროისათვის, პროგრამის კონსულტანტი კომპანია Fichtner GmbH & Co. KG-ს სახით, ამზადებს საკონკურსო პაკეტს სამუშაოთა შემსრულებლის შესარჩევად. სამშენებლო სამუშაოები მომავალ წელს დაიწყება და 2018 წლის ბოლომდე დასრულდება.
„პროგრამის შესაბამისად, გათვალისწინებულია საქართველოსა და სომხეთის ენერგოსისტემების გაერთიანება. პროექტის რეალიზაცია ხელს შეუწყობს ენერგეტიკის სფეროში რეგიონალურ თანამშრომლობას და შექმნის დსთ-ს ქვეყნების ენერგეტიკულ სისტემასთან პარალელური მუშაობის წინაპირობას“, — ნათქვამია შეტყობინებაში.
