თბილისი, 7 თებერვალი — Sputnik. არაბეთის გაერთიანებული საამიროების ხელისუფლებამ განაცხადა, რომ მზად არიან სირიაში „ისლამური სახელმწიფოს“ წინააღმდეგ ბრძოლისათვის სახმელეთო ჯარების გაგზავნონ.
„ჩვენი პოზიცია იმგვარია, რომ „ისლამური სახელმწიფოს“ წინააღმდეგ წამოწყებული კამპანია სახმელეთო ძალების გამოყენებას ითვალისწინებს“, — ციტირებს „როიტერი“ ქვეყნის საგარეო საქმეთა მინისტრის, ანვარ ქარქაშის სიტყვებს.
„ჩენ ვსაუბრობთ სამხედრო ძალებზე, რომლებიც სახმელეთო წინსვლას ჩაუდგება სათავეში და აგრეთვე იმათზე, ვინც მათ მხარდაჭერას უზრუნველყოფს“, — აღნიშნა მინისტრმა.
ამასთან მან აღნიშნა, რომ „საუბარი არ არის ათასობით ჯარისკაცზე“, და რომ აშშ–ის პოზიცია ამ საკითხში აუცილებელი პირობაა საამიროების მიერ გადადგმული ნაბიჯებისთვის.
საუდის არაბეთის თავდაცვის მინისტრის მრჩეველმა აჰმედ ასირიმ მანამდე განაცხადა, რომ ქვეყანა მზადაა გაგზავნოს სირიაში სახმელეთო ჯარები იმ პირობით, თუ მას აშშ–ის მეთაურობით მოქმედი კოალიცია შეათანხმებს. ხოლო ტელეკომპანია CNN წყაროებზე დაყრდნობით იუწყებოდა, რომ საუდის არაბეთი და მისი მოკავშირე არაბული ქვეყნები „ისლამური სახელმწიფოს“ წინააღმდეგ უკვე ამზადებდნენ 150 ათას სამხედროს.