თბილისი, 7 თებერვალი — Sputnik. ირანი სომხეთში გაზის ექსპორტის ხუთმაგად გაზრდის შესაძლებლობას განიხილავს, — განაცხადა ირანის გაზის ექსპორტის ეროვნული კომპანიის დირექტორმა ალირეზა ქამელიმ.
„[ირანსა და სომხეთს შორის] ერთობლივი შეთანხმების საფუძველზეც კი არსებობს მისაწოდებელი გაზის მოცულობის დღეში ხუთ მილიონ კუბურ მეტრამდე გაზრდის შესაძლებლობა“, — აღნიშნა ქამელიმ.
ამ დროისათვის ირანი ყოველდღიურად ერთ მლნ კუბურ მეტრ გაზს აწვდის სომხეთს. მიწოდებული გაზის მოცულობის გაზრდის საკვანძო ფაქტორად შესაძლოა ახალი ელექტროგადამცემი ხაზების აგება გახდეს, რომლებიც სომხეთისა და ირანის ენერგოსისტემებს დააკავშირებს, — მიაჩნია კომპანიის დირექტორს.
ირანმა და სომხეთმა 2015 წელს გააფორმეს ხელშეკრულება მესამე ელექტროგადამცემი ხაზის აგების თაობაზე, რომელიც ორი ქვეყნის ენერგო სისტემებს დააავშირებს.
კონტრაქტის ღირებულება 107 მლნ ევროა და ორი წლის განმავლობაში 275 კმ სიგრძის გადამცემი ხაზის აგებას ითვალისწინებს. რაც, თავის მხრივ, ურთიერთმიწოდების მოცულობას სამჯერ გაზრდის.
ირანს იმედი აქვს, რომ აღნიშნული პროექტის მეშვეობით საქართველოსა და რუსეთის ენერგოსისტემებს მიუერთდება.
