თბილისი, 3 თებერვალი — Sputnik. ავიაკომპანია S7-ის თვითმფრინავს, რომელიც მოსკოვიდან თბილისისკენ რეისს ასრულებს და რომელსაც დომოდედოვოს აეროპორტში თითქოსდა ცეცხლი გაუჩნდა, თბილისში 18:00 საათისთვის ელოდებიან, განუცხადეს Sputnik-ს თბილისის საერთაშორისო აეროპორტში.
მანამდე თვითმხილველებმა განაცხადეს, რომ თვითმფრინავს, სავარაუდოდ, ცეცხლი გაუჩნდა. გარდა ამისა, ანონიმურმა წყარომ მოსკოვში განაცხადა, რომ მგზავრები ტექნიკური გაუმართაობის გამო სხვა თვითმფრინავში გადაიყვანეს, რომელიც დაგვიანებით გამოფრინდა.
„მე, როგორც აეროპორტის წარმომადგენელმა, შემიძლია გითხრათ, რომ S7 საათნახევრით აგვიანებს და ექვსი საათისთვის აეროპორტში უნდა დაეშვას. მიზეზების შესახებ, სჯობს S7-ის წარმომადგენლებს გაესაუბროთ“, — განაცხადა თბილისის აეროპორტის პრესსამსახურის თანამშრომელმა.
ამასთან, ავიაკომპანია S7-ის თბილისის წარმომადგენლობაში კომენტარზე უარს აცხადებენ, ხოლო რუსეთში კომპანიის ოფიციალურ წარმომადგენლობაში ეს ინფორმაცია უარყვეს.
