დომოდედოვოს აეროპორტში "მოსკოვი-თბილისის" თვითმფრინავს ცეცხლი გაუჩნდა

თბილისი, 3 თებერვალი — Sputnik. კომპანია S7-ის თვითმფრინავის ძრავს, სავარაუდოდ, აფრენისას ცეცხლი გაუჩნდა. თვითმფრინავი „მოსკოვი-თბილისი“ რეისს ასრულებდა. ამის შესახებ თვითმხილველები აცხადებენ. აერობუსი А320 (რეისი № 0955) მოსკოვიდან თბილისის შოთა რუსთაველის სახელობის საერთაშორისო აეროპორტში 13:50 (თბილისის დროით) საათზე უნდა დაფრენილიყო.

თვითმხილველთა განცხადებით, თვითმფრინავის მარცხენა ფრთის ქვეშ ცეცხლი აერობუსის აფრენის დროს გაჩნდა.

„როცა თვითმფრინავი ტემპს იღებდა ასაფრენ ბილიკზე, აერობუსის მარცხენა ფრთის ქვეშ ცეცხლი შევნიშნეთ. კაპიტანმა მაშინვე ბორტის მგზავრებს მიმართა, რომელმაც ტექნიკური გაუმართაობის შესახებ გვაცნობა. თვითმფრინავი გაჩერდა და ჩვენ გვითხრეს, რომ სხვა თვითმფრინავში გადაგვსვამდნენ“, — განაცხადა თვითმფრინავში მყოფმა მოსკოველმა ტატიანა მაგერამ.

ნახევარი საათის შემდეგ მგზავრები აეროპორტის შენობაში გადაიყვანეს და „მოსკოვი-თბილისის“ რეისს სხვა თვითმფრინავი განახორციელებს.