თბილისი, 2 თებერვალი — Sputnik. პოლონეთის თავდაცვის სამინისტროში თვლიან, რომ აუცილებელია განახლდეს საგამოძიებო კომისიის მუშაობა პრეზიდენტის თვითმფრინავის Ту-154-ის 2010 წლის 10 აპრილს მომხდარი ავიაკატასტროფის თაობაზე. განაცხადა ვარშავის ერთ-ერთ ტელეარხზე უწყების პრესმდივანმა ბართლომეი მიშევიჩმა.
პოლონეთის პრეზიდენტის ლეხ კაჩინსკის თვითმფრინავი სმოლენსკის მახლობლად 2010 წლის 10 აპრილს ჩამოვარდა. თვითმფრინავის ბორტზე 96 ადამიანი იმყოფებოდა (88 მგზავრი და ეკიპაჟის 8 წევრი). არავინ გადარჩენილა. დაიღუპა ქვეყნის პრეზიდენტი, მისი მეუღლე და ქვეყნის ხელისუფლების წარმომადგენლები. ისინი კატინში მიფრინავდნენ სამგლოვიარო ღონისძიებებში მონაწილეობისათვის.
„ამ კვირაში 99 პროცენტით კომისიას მოიწვევს თავდაცვის მინისტრი“, — თქვა მიშევიჩმა.
სმოლენსკთან ტრაგედიის შემდეგ კომისიამ ეჟი მილერის ხელმძღვანელობით ჩაატარა გამოძიება და წარმოადგინა მოხსენება, რომელშიც კერძოდ საუბარია იმაზე, რომ ავიაკატასტროფის ერთ-ერთი მიზეზი მფრინავების შეცდომა იყო.
