თბილისი, 24 იანვარი — Sputnik. სირიის არმიამ, მეამბოხეთა რაზმების მხარდაჭერით, ქალაქი არ–რაბია ტერორისტებისგან გაათავისუფლა და ახლა კვლავ აკონტროლებს მას, — იუწყება „რია ნოვოსტი“ სირიის ეროვნულ სააგენტო SANA–ზე დაყრდნობით.
„არმიის რაზმებმა, მეამბოხეთა ჯგუფების მხარდაჭერით, ტერორისტების ლიკვიდაციისა და მათი შეიარაღების განადგურების შემდეგ, კონტროლქვეშ აიყვანეს ჩრდილოეთ პროვინცია ლატაკიის ქალაქი არ–რაბია და სოფელი არ–რაუდა“, — განუცხადა სააგენტოს სამხედრო წყარომ.
შეგახსენებთ: სირიაში 2011 წლის მარტიდან გრძელდება შეიარაღებული კონფლიქტი სამთავრობო ჯარებსა და სხვადასხვა ტერორისტულ ორგანიზაციათა ბოევიკებს შორის.