თბილისი, 24 იანვარი — Sputnik. სინოპტიკოსები საქართველოში უახლოეს დღეებში თოვლსა და ყინვას პროგნოზირებენ. ზოგ რაიონში ყინვამ შესაძლოა 10 გრადუსს მიაღწიოს, — იუწყება ტელეარხი „რუსთავი 2“ გარემოს ეროვნულ სააგენტოზე დაყრდნობით.
24 და 25 იანვარს ქვეყნის უმეტეს ტერიტორიაზე თოვს. დასავლეთ საქართველოს ბარში მინუს 1 გრადუსია ღამით, დღისით კი პლუს 3. მაღალმთიან რაიონებში მოსალოდნელია ღამით –8, დღისით –5 გრადუსი.
აღმოსავლეთ საქართველოს ბარში ღამით –3, დღისით +3გრადუსი იქნება, მთებში კი ღამით –9, დღისით — მინუს 6 გრადუსი.
„თოვა იქნება 25 იანვარს. ხოლო 27 იანვრიდან მთელ საქართველოში, როგორც ბარში, ისე მაღალმთიან რაიონებში მოსალოდნელია ყინვა. დასავლეთ საქართველოს ზღვისპირა რაიონებში მინიმალური ტემპერატურა მინუს 7 გრადუსია. აღმოსავლეთ საქართველოს რაიონებში ტემპერატურა შესაძლოა მინუს 10 გრადუსამდე დაიწიოს“, — განაცხადა გარემოს ეროვნული სააგენტოს მოკლევადიანი პროგნოზირების განყოფილების ხელმძღვანელმა დოდო გვაზავამ ტელეკომპანიის ეთერში.
არამდგრადი ამინდი საქართველოში თვის ბოლომდე გაგრძელდება.
