თბილისი, 21იანვარი — Sputnik. გენერალურმა პროკურატურამ პარლამენტის შენობაში მასიური არეულობების ფაქტზე სისხლის სამართლის საქმე აღძრა, იუწყება „Sputnik მოლდოვა“.
ოთხშაბათს ქვეყნის უმაღლესი საკანონმდებლო ორგანოს შენობასთან, პაველ ფილიპის ხელმძღვანელობით მთავრობის არჩევის შემდეგ, საპროტესტო აქციები გაიმართა. მინისტრთა კაბინეტის არჩევის შემდეგ, აქციის მონაწილეებსა და პოლიციელებს შორის, რომლებიც პარლამენტის შენობას იცავდნენ, შენობის ერთ-ერთ შესასვლელთან შეხლა-შემოხლა დაიწყო. მიუხედავად სამართალდამცველების წინააღმდეგობისა, მომიტინგეებმა შეძლეს შენობაში შეღწევა. შეტაკებისას 15 ადამიანმა, მათ შორის 9 პოლიციელმა, სხეულის დაზიანებები მიიღეს.
„საგამოძიებო ჯგუფი მაქსიმალურად ეცდება ობიექტურად გამოიძიოს არსებული ვითარება და ყველა იმ პირის იდენტიფიცირება მოახდინოს, რომლებიც ზალადობაში არიან ბრალდებულნი“, — ნათქვამია გენერალური პროკურატურის განცხადებაში.
უწყების განცხადებით, პარლამენტის შენობაში დამტვრეულია ავეჯი და ტექნიკა.
მასიური არეულობების ორგანიზატორებს 8 წლით თავისუფლების აღკვეთა ემუქრებათ.
