თბილისი, 17 იანვარი — Sputnik. რუმინეთის ხელისუფლებამ პორტები, მათ შორის კონსტანცას პორტი, დიდთოვლობისა და ქარბუქის გამო დახურა, იუწყება სააგენტო „რია ნოვოსტი“ სააგენტო „როიტერზე“ დაყრდნობით.
დიდთოვლობამ პრობლემები შეუქმნა რკინიგზასაც, რამდენიმე ათეული ავტომაგისტრალი ბლოკირებულია. უამინდობის გამო სასწავლო-დაწესებულებებმა მუშაობა დროებით შეწყვიტეს. რუმინეთის სამხრეთში რამდენიმე ათეული სოფელი ელექტროენერგიის გარეშეა დარჩენილი.
ქვეყანაში შექმნილი რთული ვითარების გამო, შსს-მ 6 ათასი პოლიციელის მობილიზება მოახდინა.
სააგენტოს ინფორმაციით, ბოლო 12 სთ-ის განმავლობაში თოვლის სიდიდემ ნახევარ მეტრს მიაღწია. სინოპტიკოსები გამოდარებას რამდენიმე დღის განმავლობაში არ მოელიან, მათი ვარაუდით ჰაერის ტემპერატურა — 18გრადუსამდე დაეცემა.
