თბილისი, 15 იანვარი — Sputnik. საქართველოს სასაზღვრო პოლიციის თანამშრომლებმა ფოთში, სამეურნეო-ფეკალური წყლების ჩაღვრისთვის, მოლდოვის დროშის ქვეშ მცურავი გემი დააკავეს, იუწყება პარასკევს, 15 იანვარს საქართველოს გარემოს დაცვის სამინისტრო.
გემის კაპიტანი 65 ათასი ლარით (27 ათასი აშშ დოლარი) დაჯარიმდა. ის ასევე ვალდებულია, გარემოსთვის მიყენებული ზარალი აანაზღაუროს.
გემი საქართველოს ტერიტორიულ წყლებს ჯარიმის გადახდის შემდეგ დატოვებს.
