თბილისი, 5 იანვარი — Sputnik. საქართველოს სასაზღვრო პოლიციის თანამშრომლებმა ფოთში ნავთობპროდუქტების ჩაღვრის ბრალდებით თურქული დროშის ქვეშ მცურავი გემი დააკავეს, იუწყება საქართველოს გარემოს დაცვის სამინისტროს პრესსამსახური სამშაბათს, 5 იანვარს.
გემის კაპიტანი 65 ათასი ლარით (27 ათასი აშშ დოლარით) დაჯარიმდა. მან ასევე გარემოსთვის მიყენებული ზარალი უნდა აანაზღაუროს.
კანონდამრღვევი საქართველოს ტერიტორიულ წყლებს ჯარიმის გადახდის შემდეგ დატოვებს.
