საქართველოს თეატრალური საზოგადოების პრეზიდიუმმა ქართული თეატრის დღეს, კონკურსში „ 2015 წლის საუკეთესო თეატრალური ქმნილება“ პრემიებით თეატრალური მოღვაწეები დააჯილდოვა.
წლის საუკეთესოები გახდნენ:
საუკეთესო პიესა — ირაკლი სამსონაძეს, პიესისთვის „მეთევზე 1,2“;
საუკეთესო სპექტაკლი — გორის გ. ერისთავის სახელმწიფო თეატრის სპექტაკლს „ალუბლის ბაღი“. რეჟისორი სოსო ნემსაძე, კომპოზიტორი მამუკა მეგრელაშვილი, მსახიობები: გვანცა კანდელაკი, კახი ბერიძე;
საუკეთესო რეჟისორული ნამუშევარი — ნიკოლოზ საბაშვილს, ნ. დუმბაძის სახელობის მოზარდ მაყურებელთა თეატრში დადგმული სპექტაკლისათვის „1945“;
საუკეთესოდ შესრულებული მამაკაცის როლი — ვანო იანტბელიძეს, თელავის ვაჟა-ფშაველას სახელობის სპექტაკლში „ვინ გატეხა ქოთანი?!“, ადამის როლის შესრულებისთვის;
საუკეთესოდ შესრულებული ქალის როლი — ლია სულუაშვილს, მესხეთის თეატრის სპექტაკლში „მშვიდი ღამე“, დედის როლის შესრულებისთვის;
საუკეთესო ახალგაზრდა მსახიობი — ნიკა ნანიტაშვილს, ნ. დუმბაძის სახელობის მოზარდ მაყურებელთა თეატრის სპექტაკლში „ბაში-აჩუკი“, ბაში-აჩუკის როლის შესრულებისათვის;
საუკეთესო ახალგაზრდა მსახიობი — მანანა აბრამიშვილს, თელავის ვაჟა-ფშაველას სახელობის სპექტაკლში „ვინ გატეხა ქოთანი?!“, ევას როლის შესრულებისთვის;
საუკეთესოდ შესრულებული მეორე პლანის როლი — ზურაბ ლომიძეს, თელავის ვაჟა-ფშაველას სახელობის სპექტაკლში „ვინ გატეხა ქოთანი?!“, ლიჰტის როლის შესრულებისთვის;
საუკეთესოდ შესრულებული მეორე პლანის როლი — ეთერ დეისაძეს, თელავის ვაჟა-ფშაველას სახელობის სპექტაკლში „ვინ გატეხა ქოთანი?!“, ბრიგიტას როლის შესრულებისთვის;
საუკეთესო მუსიკა სპექტაკლისათვის — დავით მალაზონიას, ნ. დუმბაძის სახელობის მოზარდ მაყურებელთა თეატრის სპექტაკლ „ბაში-აჩუკისთვის“ შექმნილი მუსიკისთვის;
საუკეთესო სცენოგრაფია — მირიან შველიძეს, თელავის ვაჟა-ფშაველას სახელობის თეატრის სპექტაკლში „ვინ გატეხა ქოთანი?!“, სცენოგრაფიისთვის;
საუკეთესო კრიტიკული ნაშრომი — მანანა გეგეჭკორს (გარდაცვალების შემდეგ), რეცენზიისთვის „ჩინოვნიკს ყველაფრის უფლება აქვს“ („თეატრი და ცხოვრება“; # 1, 2015);
საუკეთესო თეორიული ნაშრომი — ნოდარ გურაბანიძეს, წიგნისთვის „რეჟისორი გიზო ჟორდანია“.
სახელობითი პრემიები მიიღეს:
კოტე მარჯანიშვილის სახელობის პრემიით — დალი მუმლაძეს, თეორიული ნაშრომისთვის, „ნადირობა გოდოზე“;
კოტე მარჯანიშვილის სახელობის პრემიით — გიორგი ხარაბაძეს, ქართული სიტყვის დიდოსტატს;
სანდრო ახმეტელის სახელობის პრემიით — დათა თავაძეს, სპექტაკლებისთვის: „ტკივილი არის ახალგაზრდობა“, „ზამთრის ზღაპარი“, „ტროელი ქალები“;
ვერიკო ანჯაფარიძის სახელობის პრემიით — ნანი ჩიქვინიძეს, სამსახიობო ხელოვნებაში შეტანილი ღვაწლისათვის;
ვერიკო ანჯაფარიძის სახელობის პრემიით — გურანდა გაბუნიას, სამსახიობო ხელოვნებაში შეტანილი ღვაწლისათვის;
პეტრე ოცხელის სახელობის პრემიით — გიორგი ალექსი-მესხიშვილს, ქართულ დეკორატიულ ხელოვნებაში შეტანილი ღვაწლისათვის;
გიორგი ერისთავის სახელობის პრემიით — სანდრო მრევლიშვილს, ქართული თეატრის აღმშენებლობაში შეტანილი ღვაწლისათვის;
„ქართული თეატრის ამაგდარის“ წოდებით და პრემიით დაჯილდოვდა როდერ ჩაჩანიძე.
შეგახსენებთ, რომ წელს ქართული თეატრის დღე, ჭიათურის აკაკი წერეთელის სახელობის დრამატულ თეატრში აღინიშნა და პრემიების გადაცემის ცერემონიაც სწორედ იქ გაიმართა.
