თბილისი, 12 იანვარი — Sputnik. საქართველოს პრეზიდენტმა გიორგი მარგველაშვილმა დაგმო სტამბოლში დღეს, 12 იანვარს მომხდარი ტერორისტული აქტი, — ნათქვამია სახელმწიფოს მეთაურის განცხადებაში.
მძლავრი აფეთქება სტამბოლის ტურისტულ რაიონში, სულთანაჰმეთის მოედნის სიახლოვეს მოხდა. დაიღუპა ათი და დაიჭრა თხუთმეტი ადამიანი. მომხდარის მიზეზი ჯერჯერობით უცნობია, თუმცა ერთ–ერთი ვერსიით, აფეთქება შესაძლოა თვითმკვლელმა ტერორისტმა მოაწყო.
„საერთაშორისო საზოგადოებასთან ერთად ინტენსიური თანამშრომლობით, საქართველო განაგრძობს საკუთარ ძალისხმევას თანამედროვე მსოფლიოს უდიდესი საფრთხის წინააღმდეგ ბრძოლაში. ქართველი ხალხი თანაუგრძნობს და დგას მეგობარი თურქი ერის გვერდით. ვუსამძიმრებ დაღუპულთა ოჯახებსა და ახლობლებს“, — ნათქვამია საქართველოს პრეზიდენტის განცხადებაში.
