სახელმწიფო უსაფრთხოების სამსახურის უფროსს იარაღით დასაჩუქრების უფლება მიეცა

თბილისი, 8 იანვარი — Sputnik. სახელმწიფო უსაფრთხოების სამსახურის უფროსს ამიერიდან უფლება აქვს სამოქალაქო ან ტაბელური იარაღი გადასცეს პირებს სახელმწიფოს წინაშე განსაკუთრებული დამსახურებისათვის, უთხრა ჟურნალისტებს პარასკევს 8 იანვარს შინაგან საქმეთა მინისტრმა გიორგი მღებრიშვილმა. 

შესაბამისი ცვლილება შეტანილ იქნა მთავრობის დადგენილებაში „სამოქალაქო ან სამსახურებრივ საშტატო იარაღის ჯილდოდ გადაცემის წესების დამტკიცების შესახებ“.

„მთავრობის დადგენილებით, განსაზღვრული იყო ის უწყებები, რომელთა ხელმძღვანელებსაც აქვთ უფლება, ჯილდოდ იარაღის გადაცემისა. ამ ნუსხას დაემატა კიდევ ერთი, სახელმწიფო უსაფრთხოების სამსახური“, – განაცხადა მღებრიშვილმა.

აღნიშნული უფლებით, ამ დრომდე, სარგებლობდა თავდაცვის სამინისტროს, შინაგან საქმეთა სამინისტროს, სახელმწიფო დაზვერვის სამსახურისა და სახელმწიფო დაცვის სპეციალური სამსახურის ხელმძღვანელობა.